Тыва шулуктер

Тыва шулуктер

25.11.2020 15:11:18

Экии эргим хундулуг чоннувус!!! Чаяттынган бичии чаштын доюнга дээш Чалыыларнын байырланчыг хунунге дээш, Аныяктар огленишкен куда-дой дээш Ангы ковей байырларга йорээлдерни, Аткан хуннун херели дег чылыг состу Амдыы бистер одуруглай ундургулеп, Удаа-тараа, шынар куштуг дарыы-биле Ундур бижип соннеп бээр бис эргим чоннум!

Тыва шулуктер

03.07.2021 05:10:24

Боошкунум Авам меңээ садып берген Аян-шыктың чечээ ышкаш, Аажок чараш боошкунум Адааргатпас турганым ол? Чанывыста уругларның Чажын өрээн боошкунун Аянсынып чарашсынар Адааргаарым атыг турган. Ынчан харын үе бөдүүн Ынчалза-даа шынар эки. Чажым каазы боошкунум Сагыжымда хевээр арткан. Урса

Тыва шулуктер

03.07.2021 05:10:09

"Кызылымга тураскааттым" Ак-кок дээрим адаа черде Айыран каас арга , хемнер хээленген Азий диптин тову болган Аныяк , чараш хоорайым Кызыл, Кызыл чоргааралым Хунге чайнап кажараннаан Хунээректээн Кызылым сен Тывызыксыг Тыва чонум Тыны дудуш Кызылым сен Кызыл Кызыл оорушкум Усчу-шевер оглу ,кызы Угулзалай дарганаан дег Улуг-Хемге эргеленген Уруг чаштар ойнап-хоглээн Кызыл , Кызыл, Кызылым сен. Эртем билиг чедип аарда Эжии ажык куруневис университети Эмчи, башкы , уран-чуулдун колледжтери Электри, автоорук техникумнары Кызыл, Кызыл, Кызылывыс хожузун Ады сураа алгып келген Ада-чурттун талантыларын Кыстар, оолдар кадеттерин оореткен Кызылывыс Президент училищези Сергей Шойгу маадырывыс чоргааралы Кок-оол аттыг хогжум - шии театрывыс Кайгамчыктыг национал музейивис Каас шиник "Гастело" садывыс Кино театр "Найырал" ,"Субедей" дээш санап туннеп четпедим Кызыл, Кызыл, сайзыра-ла!!!! Тамара Дочуновна Шинчик.

Тыва шулуктер

02.06.2021 05:14:08

Үнелиин аар! Херелдиг хүн хүлүмзүрүп чайнап турда, Хүннээректиг чылыг черниң экизин аар! Хүнүң эртен үнген хүнге өөрүп чоруур, Хүннүг чырык чуртталганың магалыын аар! Орай дүне айның чырыы чырып турда, Октаргайда сылдыстарның онзазын аар! Өрү дээрде бурган биске чаяап берген, Өртемчейде чуртталганың эргимин аар! Чурукчунуң чуруп бижип сиилбээни дег, Чурумалдыг черивистиң чаражын аар! Чайыры чок бөдүүн-даа бол кежик долган, Чырык черде чуртталганың үнелиин аар! Роланда Шавы.03.05.2021 ч. Иркутск.

Тыва шулуктер

02.06.2021 05:11:04

Частың онза, сериин хүнү сеткилимде Чүрээм аартыр бодалдарны оттурар-дыр... Чогум черле чуртталгада кым болдум деп, Эң кол болган айтырыг мээ аалдап келди. Бодаарымга оруктар хөй, шилиир арткан, Ынчалза-даа дидим базым кылдынмайн тур. Ынай чүрээм бүзүрели эвээжи бе? Азы болза мени будаан бодалдар бе? Өйлеп - өйлеп шимчээр күзел өжүп-даа каар, Чамдыктарда даглар алыр сүлдем бедик! Ынчалза-даа бир-ле чүүлдер тудуп чору... Эгелээри берге боор деп чугаа шын боор... Быжыг туруш, сергек сеткил, чырык угаан Кол-ла бистиң чуртталганың маадырлары. Шак ол күштүг алышкы дег эжешкилер, Кезээ шагда шуптувусту эдерзиннер! Хүндүткел-биле, ❤Ю️❤️

Тыва шулуктер

02.06.2021 05:10:23

Экии менээ шулук чогаадып бээр кижи болза ?

Тыва шулуктер

05.05.2021 04:38:27

Шүлүк бижип шенеп көөр дээш, Демир үжүүм холга туткаш, Шала эрги кыдыраажым Диванымдан көдүргештиң Кандыг шүлүк бижиир чоор дээш Канчалдыр-даа бодангаштың Чаңгыс түңнел чүгле бола Чаражымга,төлүмге дээш Чаржып баткан одуруглар Саазынга бижитинди. Чуртталгамның өөрүшкүзү Чуртталгамның алыс-шыны Чүг-ле ынак кижилерим силер дээштиң Чүс-даа чылды силер биле, Чаныңарга,чоогуңарга чорула мен. **ыракы чөөн чүьк.

Тыва шулуктер

05.05.2021 04:38:11

Өршээ Бурган, кандыг берге үе келди? Арга чок дег, орук муңгаш ышкаш болду... Төлүң мени чүге мынчаар шеней бердиң? Шыдаар мен бе, сынып калбас ирги мен бе? Бергелерни ажып эртер, ажырбас деп, Арат чоннуң чугаазы ол, шылай бердим... Кызып чорда, шупту чүве буступ бадып Холум сула салдынып тур, дузалап көр 🙏 Күштен берем, тейлеп чор мен, дилээм ол-дур, Күжүр мени камгалап көр, карактап чор... Кайда, кымны хомудаттым азы болза?.. Буруум миннип, барып чедейн, Өршээ Бурган... Черле эртер оруум бе бо, азы чүл бо?.. Билип чадап шаанга кирдим, муңгарадым... Быжыг болуйн, тогбайн чурттаайн, шыдажыптайн Өрү тейлеп, дилеп чор мен, күштен берем... 20 апреля 2021 чыл Спб Хүндүткел-биле, Ю♥

Тыва шулуктер

05.05.2021 04:37:52

Бирле хүнде өңнүүң мени көрүп кааштың, Бактаарынче далашпайн көр, утказын бил... Меге-сога хоп-чип дажып маңнава-даа, Холуң сунуп дузалажыр аргазын көр. Баштай ушкан эжиң черле кыжырбайн көр, Чуртталгада чүү-даа турар ажырбас оң. Аскайган мээ даянгыыжың сунуп берип, Сеткилиңден дузалажып, бодап каап көр. Канчап билир сени деткиир үе келир Сеңээ база дуза херек апаар-даа боор Шак ол ынчан четтиргеним илередип Менче сунган холуң чылыын эгидер мен. Хүндүткел-биле, Ю ❤️

Тыва шулуктер

05.05.2021 04:37:37

Бистер шупту чечектерге домей-дир бис. Онгур кызыл розалар, аккыр чараш астралар, алоенин ховар чечээ, акация, мимозалар, тайга чернин шенне чечээ, дагга унер дая чечээ, чорураанын, долаананын, чоргааранчыг чечектери, эрте часкы хек-даваннар, эргим хову чечектери, хараганнын тенниг чечээ, хая черде кадыг-кара, авамайга шончалайым, амыраамга соннээн чечээм, арга ишти айы-бези, кичигене, чиирбейлер, самагалдай сарыг чечээ, Кайыызын-даа кандыг дээрил, Кайгамчыктыг аажы чанныг, Кичээнгейни чидирерге, Кижи ышкаш мунгарай бээр, Хуннун чылыы чырыдарга, Хулумзуруп сергеп келир, Аян черге чаашкындан, Аян кирип чайганы бээр, Чернин чараш чечээ ышкаш, Чурттаарынны кузээр-дир мен! 04.05.2021 ч. Кызыл. Сат М-Д.Х.