Маяқұм ауылы

Нет ограничений

открытое

Сообщество не верифицировано администрацией ВКонтакте

У сообщества нет огня Прометея

84937464

mayakym

Маяқұм ауылы

Маяқұм

Маяқұм ауылы - Оңтүстік Қазақстан облысы Отырар ауданына қарасты ауылдық округ. Әкімшілік орталық Шәуілдір ауылына дейінгі қашықтық 70км, ал Сырдарияның үстімен өтіп (шығысқа қарай), ара қашықтығын өлшейтін болсаңыз 2 есе жақын. Ауыл бұрын "Овцевод" деп, кейін "Әл-Фараби ауылы" делініп, қазіргі кезде "Маяқұм" аталынады. Маяқұм ауылдық округының құрамына кіретін ауылдар: Аққұм Қостерек, Бестам, Төрттам, Үштам, Бойтанов Төлеген ауылы (бұрынғы Ешкіқора ауылы). Маяқұм ауылының маңында тарихы тылсым көптеген ірілі-ұсақты қалалардың орны төбешікке айналған. Олар: Оқсыз, Тектұрмас, Бөріойнақ т.б төбелер. Орта ғасырлық қала - Оқсыз ("Уәсіж", "Васидж") атына сай оқ-дәрі шығарумен айналысқан. Бұрынырақта Ұлы Жібек Жолының бір бағыты осы Оқсыз арқылы өтетін. Себебі Отырарға жақын, экономикалық байланысы тығыз болған. Сондай-ақ Оқсызда Әлемнің екінші ұстазы Әбу Насыр Әл-Фараби дүниеге келген. Оның әкесі әскери адам болған, сондықтан Әл-Фарабидың Оқсызда туылуы деген дерек тегін емес. Мұны әлі де нақты зерттеу керек. Көптеген оқулықтарда Әл-Фарабидың туған жері Отырар саналады, бұл дұрыс та. Себебі ара қашықтығы жақын, екі қала арасындағы байланыс қоян-қолтық дәрежеде болған, сондықтан Оқсыз Отырардың бір бөлігі болуы да ықтимал. Маяқұм ауылында жаңадан салынған аурухана, "Қайқыбай ата" мешіті, "Тойлыкүл ана" балабақшасы құрылыстары бой көтерген. Ауылда қос қабатты әкімшілік ғимараты, екі стадион, үш ірі дүкен бар. Ауызсумен қамту жұмыстарында ауылдың түкпір-түкпіріне су құбырлары тартылып, нәтижесінде халық ыстық сумен қамтамасыз етілді. Екі ұялы байланыс желісі орнатылған. Интернет қолданушылар саны уақыт санап артып келеді. Ш.Уәлиханов атындағы жалпы орта мектебін 2012-2013 оқу жылына қарсы жаңалау жұмыстары жүргізілді. Бұл білім ордасында бес жүзге жуық оқушы білім алуда. Ш.Уәлиханов атындағы жалпы орта мектебінен түлеп ұшқандар қазірде әр түрлі салада елі үшін қызмет етуде. Маяқұм ауылында қазір жаңадан елу балаға арналған балабақша құрылысы бой көтеруде. Шаруашылығы: мал шаруашылығы, егін шаруашылығы, орта және шағын кәсіпкерлік. Рулық құрамының басым бөлігін Орта жүздің Қоңырат тайпасы құрайды. Оның ішінде: Жетімдер, Маңқытай, Қира (Мәмбет), Тіней, Божбан т.б рулар бар. Ауылдық округте төрт жарым мыңнан аса адам тұрса, Маяқұм ауылының өзінде үш мыңнан аса адам тұрады.

публичная страница

16+

Публичная страница

ограниченная

не указан