Кудага йөрээл.
Куда дой-даа, эгеледи курай курай!
Куу куш дег, келин кыс-даа чараш-ла дыр
Эзир ышкаш, чоргаар түрнү дыртыныпкан
Эрес эр-даа, база чараш, онза-ла дыр!
Чоок билчип, чүректерни чаңгыс кылгаш,
Ховар чараш ынакшылды чаядыңар.
Кожуун суму, төрел чону чыып алгаш,
Холун бержип, бүле тудуп турарыңар бо.
Амыдырал аак кээгин кады чүктеп,
Аас-кежик, өөрүшкүге кады болуп,
Аяс дээрлиг чуртталга дээш, кады туржуп,
Алдын хүнү өөңерге чаяаңар-ла.
Амыдырал өөрүшкүзү чечектер дег,
Ажы-төлдүң эргим ынак ада-иези бооп,
Келир өйде, хөй-ле чылда кады чурттааш,
Хеймер ынак уйнуктарның чырыы болуңар.
Аалыңарны аас-кежик ойбас болзун
Аяс хүн дег,алдын чырыын сөңнеп чорзун.
Өөңерге өөрүшкү үзүлбезин
Өшпес хүн дег, чылыг чырыын өргүп чорзун
Курай курай!
Ая Наныкпан
Куда йорээли (кыска)
#кудайорээли #тывачанчылдар #йорээл #кузээшкин
Дөңге тигер өглүг болзун!
Доъшке чалаар малдыг болзун!
Мон ыяш эзеңгилиг болзун!
Молдурга кежи төрепчилиг болзун!
Хадың ыяш эзеңгилиг болзун!
Казыра кежи төрепчилиг болзун!
Делгем чаагай хонаштыг болзун!
Дески бурун чыргалдыг болзун!
Алгыг чаагай чайлаглыг болзун!
Алдын-сарыг күзеглиг болзун!
Онза чаагай кыштаглыг болзун!
Кодан долган малдыг болзун!
Курай Курай!
Фото - Инстаграмда @tyva_national_group деп арындан.
Тыва кижинин назыны
#чанчылдар #тываназын
Торуттунгеш , 3 Хар чедир — Ол чаш назын ;
4х - 13 Хар чедир — чассыг шоваа назын;
13-18 х чедир — доскел билбес элээди назын;
18-30 х чедир — чалар оттуг чалыы назын;
30-40 х чедир — ажыл- ишчи ,ажы- толдуг аныяк назын ;
40 - 50 х чедир — торе баштаар бышкан назылыг ;
50-60 х — бажы каткан кажар назын;
60-70 — хундуткелдиг улуг назын ;
70-80 — олчей- чолдуг огбе назын;
80 хардан орулээрге — энерелдиг эне назын
Фото инстаграмда арындан @tuva_national_group 👍👍👍
Экии шупту!
ЙОРЭЭЛДЕР болуунче кирип моорланар!
Оске оннуктеринер-биле улежип, тарадып (репостлап) базарын диледивис! 🙏🙏🙏
💌💌💌
Кудага келин кыска йорээл
#кудайорээли #йорээл #куда
Оон дуглаар
Орегелиг болзун,
Оон дуглаар
Хаяапчалыг болзун!
Чушкурерге оттуг,
Оттуларга ыяштыг,
Ээнзирел билбес
Ээлиг оглуг болзун!
Хая дег бараанныг болзун!
Одек сынмас малдыг болзун!
Ажы-чеми аяк сынмас болзун!
Ажы-толу арбын болзун!
Моге-шыырак оолдуг болзун!
Малын малдаар кыстыг болзун!
Чоорганы чылыг болзун!
Чоок оору ковей болзун!
Фото - Инстаграмда @tuva_national_group деп арындан.
Кудага йорээл
#кудайорээли #йорээл
Дөңге тигер өглуг болзун,
Дөъшке чалаар малдыг болзун!
Эдилээни мөңгүн болзун,
Эзертээни чыраа болзун!
Баштаңгызы маңнык болзун,
Баштың чылгызы саяк болзун!
Шары кежи көгээржиктиг болзун,
Шал хадың бышкылыг болзун!
Урук сөөртүр оолдуг болзун,
Улагга мунар аъттыг болзун.
Хоюп четпес коданныг болзун,
Челип четпес челелиг болзун!
Хову сыңмас хойлуг болзун.
Хоор ала чылгылыг болзун!
Угулзалыг идик даараар
Уран-шевер кыстыг болзун.
Эдискилеп аңнап адар,
Эрес аңчы оолдуг болзун!
Хола-биле хомус согар
Кончуг шевер оолдуг болзун!
Ажы-төлү көвей болзун,
Азыраан малы арбын болзун!!!
Фото Инстаграмда @tuva_national_group деп арындан.
Кыс уруг төрүттүнерге йорээл
Ол бир янзы уткалыг
#йорээл #уругдою
Үнер хүндүс үнген-дир сен,
Кыс бооп төрүттүнген-дир сен.
Ус-куш дег шевер болзун,
Улуг назын назылаар болзун.
Анай, хураган кодан сыңмас болзун.
Акы, дуңмазы өг сыңмас болзун.
Оду-көзү өшпес болзун,
Оюн оя чурттаар болзун.
Катыраңнаан чаңныг болзун,
Каас-коя хептиг болзун.
Чассыг-хоюг хептиг болзун,
Саяк аъттыг кадын болзун.
Кыс бооп төрүттүнген төл чараш, эвилең болгаш кээргээчел болзун дээн күзел бо йөрээлдиң утказы бооп турар.
Фото Инстаграмда @tuva_national_group деп арындан.
